تحت طلب واحد الصديق نهضرو شوية على معاياش خاصك تحضي منين توصل ل .... على العموم الدول الغربية بحال ماشي بحالنا تاتلقى عندهم المادية طالعة دول ضايرين على البيع والشراء سوق مفتوح للجميع!هادشي اللي تايخلي الشركات تايتقاتلو على الكليان فالماركوتينك اللي تايديرو وتايبيعو ليك بزاف ديال الحاجات على أنها فابور وهي مافابور ماوالو غي خاصك تقلب باش تعرف شناهو الثمن .... مثلا واحد الماستركارض كنا تقولبنا فيها عدد ديال الطلبة منين وصلنا ل دايرة إشهار أنها 100% بدون مصاريف إضافية شري وخلص من بعد ولكن إيلى قلبتي فداك الكم الهائل ديال القواعد اللي فالموقع ديالهم غاتلقاهم كاتبين فشي بلاصة غابرة بخط صغير أنك تاتخلص واحد النسبة من المبلغ كغرامة إيلى ضار عليك الشهر بلا ماتكون صيفطي ليهم فلوس كل حاجة شريتها .... كاينة شي حاجة طحتي فيها وبغيتي تنصح خوتك يحضيو معاها